SWD KRIEKETRAAD: RESERWELIGA FINAAL
9 March 2010
Die B-span van Mosselbaai nadat hulle die naweek die Reserweliga van die SWD Krieketraad gewen het is agter: Hennie Cremer (Voorsitter: Mosselbaai Krieketklub, Yusif Samsoodien, Dirk Hofveldt (kaptein), Greg Elliot, Heinrich Hatthee, Buks Burmeister, François Cilliers, Dirk Lewis (Spanbestuurder)
Voor is Gerald Witbooi, Kobus Bekker, Gerhard Lewis, Hardus Cremer, Ruan Stander en Wesley Dearham.
Mosselbaai 'B' is die nuwe kampioene in die Reserweliga van die SWD Krieketraad nadat hulle Sussex 'B' , ook van Mosselbaai, Sondag in die finaal op die REC in Oudtshoorn maklik met 7 paaltjies geklop het. Die naasbeste spanne van Premier- en Promosieliga klubs ding in hierdie liga mee en dit was Mosselbaai se eerste sukses in die liga.
Sussex, wat eerste gekolf het kon slegs 143 lopies op die telbord plaas. Gershwin Sparks (37) was Sussex se beste kolwer terwyl Gerald Witbooi (3/27), Heinrich Matthee (2/23) en Dirk Hofveld (2/12) die wenspan se beste boulers was. Mosselbaai, met 'n aggresiewe Buks Burmeister (87; 37 balle, 4x6, 13x4) aan die spits, het die wenteiken van 144/3 reeds in die 21ste boulbeurt behaal het.
Die SWD kolwer, Niel Bredenkamp, wat die afgelope naweek sy vierde eersterangse honderdtal (116; 154 balle, 1x6, 18x4) behaal het in die SWD se wedstryd teen Boland wat op Bolandpark in die Paarl beslis is. Bredenkamp het ook met die bal uitgeblink en 5/41 geneem.
Die opgesomde telkaart is:
SUSSEX 143 (Gershwin Sparks 37, Gerald Witbooi 3/27, Heinrich Matthee 2/23, Dirk Hofveld 2/12)
MOSSELBAAI B 144/3 (Buks Burmeister 87, C. Jansen 2/15)
Mosselbaai B wen met 7 paaltjies
