UITSLAE: PREMIERLIGA KOMPETISIE
24 November 2009
George is steeds die enigste onoorwonne span in die Premierliga kompetisie van die SWD Krieketraad nadat hy die naweek naelskraap met 2 lopies teen Mosselbaai aan die wenkant was. George het 202 lopies behaal waarna Mosselbaai met 200 lopies kon antwoord. Wessel van Dyk (30 met die kolf) en (3/29 met die bal) was George se groot uitblinker.
Western Hope se kolwers het die grondslap daargestel vir 'n goeie oorwinning oor van 96 lopies oor Pirates United toe die besoekers met Hendrik Oktober (48) aan die spits 163 lopies op die telbord geplaas het en Pirates daarna vir slegs 67 lopies uitgeboul het. Sydwill Williams (6/34) was die groot uitblinker. Union Stars het op sy tuisveld 'n oorwinning van 5 paaljties oor Sussex behaal toe Sussex in hul kolfbeurt vir 145 lopies uitgeboul is en Union Stars daarna met 147/5 geantwoord het. André Olivier (56) was Union Stars se kolfheld. Pacaltsdorp moes hard spook om Rambers onder te kry en was uiteindelik met 4 lopies baas. Pacaltsdorp kon danksy bydraes deur Ruall de Reuck (67) en Robin Hector (55) 'n stewige 241 lopies op die telbord plaas waarna Ramblers met 237/8 geantwoord het. Athur Lottering (53) en Phillip Rothman (44) het goed met die kolf vir die verloorspan uitgeblink en byna bygedra tot 'n groot opskudding.
Union Stars teen Sussex
SUSSEX 145 (Friedel October 47, Marolino Hendricks 29, Mario Jansen 3/30)
UNION STARS 147/5 (André Olivier 56, Jason Lekay 40)
Union Stars wen met 5 paaltjies
Pirates United teen Western Hope
WESTERN HOPE 163 (Hendrik October 48, Whalin Davids 22, Irvin Campher 4/37)
PIRATES UNITED 67 (Sidwell Williams 6/34, Wayne Gelant 3/24)
Western Hope wen met 96 lopies
Ramblers teen Pacaltsdorp United
PACALTSDORP UNITED 241 (Ruall de Reuck 67, Robin Hector 55, Benedict Smart 2/26, Marshall de Klerk 2/58, Shael Lamini 2/21)
RAMBLERS 237/8 (Arthur Lottering 53, Phillip Rothman 44, Michael Eksteen 4/65)
Pacaltsdorp United wen met 4 lopies
George teen Mosselbaai
GEORGE 202 (Martin Coetzee 31, Kevin Damons 42, Zibbie Stegman 27, Wessel van Dyk 30, Grant Simpson 23, Heinrich Matthee 2/39, Gerald Witbooi 2/41, Tossie Marx 2/15)
MOSSELBAAI 200 (Christo van Schalkwyk 68, Vernon Jantjies 45, Wessel van Dyk 3/29)
George wen met 2 lopies
